اوزبېکستاني رسنیو راپور ورکړی چې د چین څخه افغانستان ته د سوداګریزو توکو د لېږد لپاره یو نوی ترانزیټي دهلېز رامنځته شوی دی.
د راپورونو له مخې، د دې دهلېز له لارې به د چین مال وړونکي کانتینرونه لومړی د اورګاډي پټلۍ په وسیله قزاقستان او اوزبېکستان ته انتقالېږي او وروسته به د ترکمنستان له لارې د سړک پر مټ د افغانستان هرات ولایت تورغونډۍ ته ورسېږي.
ویل کېږي، دا نوې ترانزیټي لاره به د سیمې د سوداګرۍ د پراختیا، د بار وړلو د وخت کمېدو او د افغانستان د ترانزیټي اهمیت د زیاتېدو سبب شي.
