د پاکستان د اپوزیسیون ګوند مشر او پښتون سیاستوال محمود خان اڅکزي ویلي، اسلاماباد نه شي کولای د افغانستان اړوند شخړې د پرلهپسې ګواښونو له لارې حل کړي او باید ژر تر ژره د خبرو مېز ته راشي.
اڅکزي په یوه تازه مرکه کې د پاکستان د حکومت پر اوسني سیاست نیوکه کړې او ویلي یې دي، د نړیوالو اصولو له مخې هېڅ هېواد د مذاکراتو له ناکامۍ وروسته پوځي اقدام ته نه ورځي.
د هغه په وینا، دا ډول چلند د ستونزو د حل پر ځای وضعیت لا پېچلی کوي.
نوموړي وړاندیز کړی چې د کابل او اسلام اباد ترمنځ دې مستقیمې خبرې د سیمې د ګاونډیو هېوادونو په حضور او د ملګرو ملتونو په منځګړیتوب پیل شي، څو دواړه لوري د یوه دوامدار حل لارې ته ورسېږي.
اڅکزي ټینګار کړی چې سیاسي تعامل او ډیپلوماسي یوازینۍ لاره ده چې کولی شي د دواړو هېوادونو ترمنځ کړکېچ راکم او سیمهییز ثبات تضمین کړي.
