ملګرو ملتونو د افغانستان لپاره د یوناما په رهبري کې مهم اداري بدلون اعلان کړی دی.
د دغه سازمان سرمنشي انتونیو ګوترېش ویلي چې فرانسوی ډیپلوماټ برونو جورج لیمارکېس د یوناما د نوي مرستیال، د ملګرو ملتونو د همغږۍ استازي او د بشري چارو د همغږۍ مسوول په توګه ټاکل شوی دی.
لیمارکېس به په دې دنده کې د اندریکا راټواټه ځایناستی وي.
هغه تر دې مخکې په کانګو کې د ملګرو ملتونو د ځانګړي استازي د مرستیال په توګه دنده ترسره کړې ده.
دا ټاکنه په داسې وخت کې شوې چې شاوخوا اووه میاشتې کېږي ملګرو ملتونو لا هم د یوناما لپاره نوی ځانګړی استازی نه دی ټاکلی، وروسته له هغه چې روزا اوتنبایوا خپله دنده پای ته ورسوله.
