د ننګرهار پخواني والي ضیاءالحق امرخېل ویلي چې پاکستان له شاوخوا څلوېښتو کلونو راهیسې له افغانستان سره نااعلان شوې جګړه روانه ساتلې ده.
نوموړي زیاته کړې چې که دا جګړه له نااعلان حالت څخه اعلان شوي حالت ته بدله شي، ښايي د افغانستان په ګټه تمامه شي.
امرخېل ویلي چې که څه هم د طالبانو حکومت قوي هوايي ځواک نه لري، خو په خبره یې دوی د فتوا مرکز لري او باید د پاکستاني نظامیانو پر وړاندې د جهاد د اعلان فتوا صادره کړي.
