راپورونه وایي، چې پاکستاني پوځ د ننګرهار بهسود ولسوالۍ کې پر یوه ملکي کور برید کړی دی.
د راپورونو پر بنسټ، په دغه برید کې د یوې کورنۍ ۲۳ غړي تر خاورو لاندې شوي دي او تر اوسه یوازې څلور تنه ژغورل شوي دي.
د کور یو غړی وایي:«هر څه لاړل، بچي مې، ورور او ورېنداره مې تر خاورو لاندې شول، پیغلې لورګانې مې تر خاورو لاندې دي.»
د طالبانو حکومت ځایي چارواکي وايي چې د ژغورنې هڅې روانې دي او سیمې ته د مرستندویه ټیمونو رسېدنه دوام لري.
د یادونې ده چې تېره شپه ۱۲ بجې پاکستاني جیټ الوتکو د ننګرهار بهسود، خوږیاڼي، غني خیل او د پکتیکا برمل ولسوالۍ بمبار کړي دي.
