د امریکا ولسمشر، ډونالډ ټرمپ ادعا کړې چې په ایران کې د نسبتاً لنډې مودې په ترڅ کې شاوخوا ۳۲ زره کسان وژل شوي دي.
ټرمپ د ایران د وضعیت په اړه په خپلو څرګندونو کې ویلي: «د ایران خلک د دغه هېواد له مشرانو سره ډېر توپیر لري، او دا یو ډېر، ډېر، ډېر غمجن حالت دی. زه رښتیا هم د ایران د خلکو لپاره د خواشینۍ احساس کوم. داسې ښکاري لکه هغوی چې په دوزخ کې ژوند کړی وي.»
هغه زیاته کړې چې د ایران عام وګړي له سختو شرایطو سره مخ دي او د ده په وینا، د دې وضعیت اصلي بار د خلکو پر اوږو دی، نه د سیاسي مشرانو.
ټرمپ ټینګار کړی چې د ایران ولس د ښه ژوند او سولهییز راتلونکي مستحق دی.
