د عراق د امنیتي چارو د اطلاعاتو رئیس، سعد معن، اعلان کړی چې تر دې مهاله ۲۲۵۰ تنه د داعش غړي له سوریې څخه عراق ته انتقال شوي دي.
دغه پروسه د نړیوالې ټولنې په همکارۍ او د ځمکې او هوا له لارې ترسره شوې ده.
معن ویلي، چې بغداد دا مسؤلیت د نړیوالې ټولنې په استازیتوب پر غاړه اخیستی او زندانیان په لوړو امنیتي مرکزونو کې ساتل کېږي.
هغه همدارنګه وویل چې د داعش غړو سره د لومړنیو تحقیقاتو لپاره ځانګړې کمیټه جوړه شوې، څو د معلوماتو په ترلاسه کولو سره د سیمې امنیت او ثبات تقویه شي.
د راپورونو له مخې، امریکایي ځواکونه په مستقیم ډول د انتقال په بهیر کې مرسته کوي.
ډیری انتقال شوي مجرمینو په ۲۰۱۴ کال کې په عراق او سوریه کې د داعش په خونړیو بریدونو کې لاس درلود، چې د ګڼو خلکو وژنې، بېکوره کېدو او د ښځو جنسي قاچاق لامل شول.
