د هرات ولایت د رسنیو دفتر خبر ورکړی، چې د طالبانو حکومت د ریاست الوزرا اقتصادي مرستیال ملا عبدالغني برادر د یوه لوړپوړي پلاوي په مشرۍ هرات ته رسېدلی دی.
نوموړی به د ترکمنستان د لوړپوړي پلاوي له مشر رشید مردوف، چې د دغه هېواد د لومړي وزیر مرستیال دی، سره لیدنه او خبرې اترې وکړي.
په دې لیدنه کې به د ټاپي پروژې د پرمختګ، د برېښنا پروژو، او د دواړو هېوادونو ترمنځ د سوداګریزو، ټرانزیټي او اقتصادي همکاریو د پراختیا په اړه خبرې وشي.
