د نوبل جایزې ګټونکې ملاله یوسفزۍ وايي، افغانستان کې باید جنسي اپارتاید په رسمیت وپېژندل شي.
نوموړې د کاناډا له لومړي وزیر سره کتنه کې ویلي، چې طالبان باید په دې اړه ځواب ورکړي.
یوسفزۍ په دې لیدنه کې ټینګار کړی، چې د نړۍ مشران باید د افغان نجونو په وضعیت کې ځان ښکېل وګڼي او له دغه حالت څخه د هغوی د راوتلو لپاره ټولې ممکنې هڅې وکړي.
هغې دغه راز ویلي، دا تمه نه لري، چې په دا ډول لیدنو به د افغان نجونو وضعیت ته بدلون ورکړل شي او دا یو واقیعت دی، چې افغان نجونې له سخت وضعیت تېرېږي.
