د اسټرالیا لومړي وزیر انتوني البانېز د افغانستان په جګړه کې د ناټو د رول په اړه د ډونالډ ټرمپ څرګندونې د نه منلو وړ بللې دي.
نوموړي ویلي، د اسټرالیايي سرتېرو قربانۍ او زړورتیا باید هېڅکله کم ارزښته ونه ګڼل شي، په ځانګړي ډول د هغو ۴۷ کورنیو په خاطر چې خپل عزیزان یې په افغانستان کې له لاسه ورکړي دي.
البانېز ټینګار کړی چې شاوخوا ۴۰ زره اسټرالیايي سرتېرو د خپلو متحدینو تر څنګ د ګډو اهدافو لپاره جګړه کړې ده.
دا څرګندونې وروسته له هغې کېږي، چې ټرمپ تر دې وړاندې ادعا کړې وه چې ناټو ځواکونو د افغانستان جګړه کې له لومړۍ کرښې ځان لرې ساته.
