د ناټو سرمنشي مارک روټه د داووس غونډې په څنډه کې د امریکا له ولسمشر ډونالډ ټرمپ سره په کتنه کې ټینګار کړی، چې که پر امریکا برید وشي، د ناټو ټول متحدین به د واشنګټن ترڅنګ ودریږي.
نوموړي د افغانستان جګړې ته په اشارې ویلي، ناټو لکه د سپټمبر له ۱۱مې وروسته، اوس هم د ګډې دفاع پر ژمنې ولاړه ده.
روټه هڅه کړې چې د اروپایي متحدینو د ژمنتیا په اړه د ټرمپ اندېښنې لرې کړي او ویلي، د ناټو غړو هېوادونو پوځي همکاري لا هم پیاوړې ده.
ټرمپ د دغو څرګندونو هرکلی کړی او ویلي، د ناټو د سرمنشي په ژمنو باور لري او هیله یې ښودلې چې دا ژمنې به عملي هم شي.
