چین د کابل په شهرنو کې پر یوه چینایي–افغان ګډ رستورانت د چاودنې وروسته د طالبانو له حکومت غوښتي چې په افغانستان کې د چینایي وګړو، پروژو او بنسټونو د امنیت د تامین لپاره جدي اقدامات وکړي.
د چین د بهرنیو چارو وزارت د پېښې پر مهال د یوه چینایي وګړي وژل کېدل تایید کړي او د ټپیانو د درملنې غوښتنه یې کړې ده.
د برید مسوولیت داعش ډلې منلی او بیجینګ یو ځل بیا خپلو وګړو ته سپارښتنه کړې چې د امنیتي ګواښونو له امله افغانستان ته له سفره ډډه وکړي.
