رویټرز خبري اژانس راپور ورکړی چې د اندونیزیا د دفاع وزیر د اسلاماباد د سفر پر مهال د پاکستان د هوايي ځواک له مشر سره لیدنه کړې او د پوځي تجهیزاتو د پېر پر احتمالي هوکړو یې خبرې اترې کړې دي.
د راپور له مخې، اندونیزیا غواړي له پاکستانه جنګي جېټ الوتکې، بریدګرې ډرون الوتکې او نورې پرمختللي وسلې ترلاسه کړي.
سرچینې وایي چې په دې کتنه کې تر ټولو زیات تمرکز پر جياف–۱۷ جنګي الوتکو و، چې پاکستان یې له چین سره په ګډه تولیدوي.
رویټرز همداراز لیکلي چې پاکستان په ورته وخت کې د سوډان له پوځ او د لیبیا له ملي پوځ سره هم د وسلو د پلور په اړه خبرې پیل کړې دي.
