فلسطینۍ لیکوالې، رشا حلوه په یوه خپره کړې ویډیو کې د ایران د خلکو د انقلابي پاڅون ملاتړ کړی او ویلي:«هغه حکومت چې خپل خلک وژني او خپلې ښځې ځپي، نه شي کولای زما ولس ازاد کړي او نه شي کولای ما ازاده کړي.»
رشا څرګنده کړې چې له کوچنیوالي ورته ویل کېدل چې د ایران اسلامي جمهوریت د فلسطین له ارمان سره ولاړ دی او د فلسطینیانو د ازادۍ ملاتړ کوي؛ خو اوس دا روایت ردوي.
نوموړې وایي چې د ایران د هغو خلکو تر څنګ ولاړه ده چې د ایران د حکومت پر ضد کوڅو ته راوتلي دي.
د هغې په وینا، د فلسطین خلک د ایران د حکومت تر څنګ نه دي ولاړ، بلکې د ایران د زړورو خلکو ملاتړ کوي چې د کرامت، ازادۍ او عدالت غوښتنه کوي؛ هماغه حقونه چې فلسطینیان یې هم د ځان لپاره غواړي.
