د امریکا ولسمشر ډونالډ ټرمپ خبرداری ورکړی چې که د ایران حکومت پر سولهییزو لاریونوالو تاوتریخوالی وکړي، نو امریکا به د ایران د خلکو د ملاتړ لپاره عملي ګامونه واخلي.
نوموړي ویلي، د معترضینو وژل د ایران د حکومت تکراري کړنلاره ده او واشنګټن به دا ډول کړنو ته بېځوابه پاتې نه شي.
بلخوا د بشري حقونو بنسټونو د راپورونو له مخې، د وروستیو لاریونونو پر مهال څو تنه لاریونوال وژل شوي دي، او ځینو هېوادونو د ایران پر چلند نیوکه کړې ده.
