ملګرو ملتونو ویلي چې په ۲۰۲۵ کال کې یې په افغانستان کې له یو میلیون څخه زیاتو کسانو سره بشري او پرمختیايي مرستې کړې دي، چې ۴۰ سلنه یې مېرمنې او نجونې دي.
یاد سازمان ویلي، چې د افغانستان لپاره د ځانګړي باور صندوق له لارې ۲۴.۷ میلیونه ډالر لګول شوي، چې بنسټیز خدمات، اقتصادي فرصتونه او د اقلیمي بدلون پر وړاندې د خلکو د مقاومت پروژې پکې شاملې دي.
ملګري ملتونه ټینګار کوي چې دا مرستې به د ځایي ټولنو په همکارۍ دوام ولري.
