د طالبانو حکومت ویاند ذبیحالله مجاهد وایي، د افغانستان او پاکستان ترمنځ شته ستونزې باید د خبرو له لارې حل شي او زیاتوي چې تاوتریخوالی د هېڅ لوري په ګټه نه دی.
هغه ټینګار کړی چې کابل له اسلاماباد سره د دښمنۍ نیت نه لري.
دا څرګندونې په داسې حال کې دي چې پاکستان د طالبانو حکومت د وسلوالو په ملاتړ تورنوي؛ خو د طالبانو حکومت دغه تورونه ردوي او برعکس پاکستان د داعش په ملاتړ تورنوي.
د دواړو هېوادونو ترمنځ وروستيو هوايي بریدونو او د ډیورنډ کرښې تړلو اړیکې ترینګلې کړې دي.
تازه راپورونه وایي چې دواړو لوريو د تاوتریخوالي د کمولو لپاره نوې هڅې پیل کړې دي.
