د امریکا د تګزاس ایالت کې مکسیکو پورې اړوند یوه کوچنۍ الوتکه لوېدلې چې له امله یې د یوه ماشوم په ګډون شپږ کسان وژل شوي دي.
د رویټرز خبري اژانس د راپور له مخې، دغه الوتکه یو دوه کلن ماشوم چې سخت سوځېدلی و، د بیړنۍ درملنې لپاره له مکسیکو څخه امریکا ته لېږداوه.
چارواکو ویلي، الوتکه د الوتنې پر مهال له ستونزې سره مخ شوه او وروسته ولوېده.
په راپور کې راغلي چې په الوتکه کې ټول اته کسان سپاره وو، چې له ډلې یې شپږ تنو خپل ژوند له لاسه ورکړی او دوه نور ژغورل شوي دي.
