د خیبر پښتونخوا د کرک ولسوالۍ په ګُرګُري سیمه کې د وسلهوالو په برید کې څلور پولیس سرتېري وژل شوي دي.
سرچینو ویلي، یاد پولیس د تېلو او ګازو د کمپنۍ د امنیت پر دنده بوخت وو چې ناڅاپي برید پرې شوی او د برید پر مهال د پولیسو موټر هم اور اخیستی او په بشپړه توګه سوځېدلی.
دا پېښه په داسې حال کې رامنځته کېږي چې دوه ورځې وړاندې همدې سیمې ته نږدې د طالبانو یو ځایي قومندان، چې کلیم نومېده، په یوه هدفي برید کې وژل شوی و.
تر دې دمه کومې ډلې د برید پړه پر غاړه نه ده اخیستې.
