د مسلم لیگ (ن) مشر خواجه سعد رفیق ویلي چې پخواني لومړي وزیر عمران خان خپله قضیه په خپله خرابه کړې ده او اوس هېڅوک د هغه په ګټه ضمانت ورکولو ته چمتو نه دي.
هغه د لاهور په یوې غونډه کې زیاته کړې چې شخړې او فساد هېڅکله هېواد پرمختګ ته نه رسوي.
نوموړي ټینګار کړی چې نواز شریف باید مخته راشي او د هېواد روان وضعیت سم کړي.
خواجه سعد رفیق همداراز ویلي چې د لومړي وزیر شهباز شریف د اقداماتو له کبله پاکستان د اقتصادي بحران له خطره خوندي پاتې شوی دی.
