د پاکستان د پوځ مشر عاصم منیر ادعا کړې، چې د تحریک طالبان پاکستان ډېری غړي افغانان دي او ویلي یې دي، چې افغانستان باید د پاکستان د حکومت او وسلوالو ډلو ترمنځ یو لوری وټاکي.
نوموړي دا څرګندونې په اسلاماباد کې د ديني عالمانو یوې غونډې ته کړي دي.
عاصم منیر همداراز ویلي، چې د جهاد د فتوا صادرولو صلاحیت د حکومتونو سره دی، نه د افرادو او سازمانونو.
دا په داسې حال کې ده، چې د طالبانو حکومت ټيټيپي د پاکستان کورنۍ ستونزه بولي او ټینګار کوي، چې د افغانستان له خاورې د هېڅ هېواد پر ضد کار نه کېږي.
