د هرات ولایت د طالبانو حکومت مطبوعاتي دفتر خبر ورکړی، چې د ترکمنستان څخه واردېدونکی د برېښنا لین تېره شپه شاوخوا ۲:۳۰ بجې د بند بغرچر په سیمه کې د سختې یخنۍ له امله پرې شوی دی.
د خبرپاڼې له مخې، د برښنا شرکت مسؤلین د پېښې له لومړیو شېبو راهیسې سیمې ته رسېدلي او د لین د ترمیم او د برېښنا د بېرته وصلولو لپاره جدي هڅې روانې دي.
دوی ویلي، هڅه کوي هر څومره ژر چې امکان ولري برېښنا بېرته ملي شبکې ته راوګرځوي.
