د بښنې نړیوال سازمان افغانستان ته د افغان کډوالو او پناهغوښتونکو د جبري ستنولو په اړه خبرداری ورکړی او ویلي یې دي چې دا کار د بشري حقونو له جدي سرغړونو سره مل دی.
د ملګرو ملتونو د شمېرو له مخې، ایران او پاکستان یوازې روان کال کې تر ۲.۶ میلیونه زیات افغانان ایستلي، چې شاوخوا ۶۰ سلنه یې ښځې او ماشومان دي.
یاد سازمان ویلي، په افغانستان کې د طالبانو له لوري د بشري حقونو ځپنه، روان بشري ناورین او طبیعي پېښې راستنېدونکو ته جدي ګواښونه جوړوي.
دغه راز، راپورونه ښيي چې ځینې اروپايي هېوادونه د افغان کډوالو د جبري ستنولو لپاره له طالب چارواکو سره خبرې کوي، چې دې چارې اندېښنې نورې هم زیاتې کړې دي.
