جمهوري حکومت کې د ملي دفاع وزارت سرپرست شاه محمود میاخېل د طالبانو حکومت د وروستۍ فتوا په اړه غبرګون څرګند کړی او ویلي یې دي چې دا پرېکړه دیني نه، بلکې سیاسي بڼه لري.
د ده په وینا، طالبانو په فتوا کې ویلي چې د افغانستان خاوره به د نورو هېوادونو پر ضد نه کارول کېږي او د هرگونه تجاوز په صورت کې د دفاع حق لري، چې دا خبره سیاسي پیغام لري.
میاخېل زیاتوي، طالبان چې اسلام بې سرحده ګڼي، په فتوا کې خپلو لیکو ته وایي چې د نورو افراطي ډلو سره جګړه نه کوي؛ خو دا ډلې پخوا د طالبانو ترڅنګ جنګېدلې دي.
هغه وايي چې دا اوس نورو افراطي ډلو پورې اړه لري چې د طالبانو دې فتوا ته ارزښت ورکوي که نه.
