د طالبانو حکومت تر واک لاندې د نیمروز ولایت امنیه قومندانۍ د جنایي جرمونو پر ضد د مبارزې پولیسو د ځانګړو کشفي عملیاتو په ترڅ کې یو ۵۰ کلن سړی له هغه کور څخه ژغورلی چې د کورنۍ غړو په کې پوره ۱۲ کاله په تیاره کوټه کې بندي ساتلی و.
امنیتي سرچینې وايي، ژغورل شوی کس په سخت ناوړه رواني او فزیکي وضعیت کې موندل شوی او سمدستي روغتیايي څارنې ته سپارل شوی دی.
د طالبانو حکومت د کورنیو چارو وزارت ویاند عبدالمتین قانع پېښه تأیید کړې او ویلي یې دي چې د کورنۍ له اړونده غړو سره قانوني چلند روان دی او موضوع د قانون مطابق څېړل کېږي.
