د امریکا د بهرنیو چارو وزارت اعلان کړی چې د ولسمشر ډونالډ ټرمپ د وروستۍ پرېکړې له مخې افغان پاسپورټ لرونکو ته د ویزو ورکولو پروسه ځنډول شوې ده.
د بهرنیو چارو وزیر مارکو روبیو ویلي، دا اقدام د ملي امنیت او عامه خوندیتوب د خوندي کولو لپاره دی.
دا پرېکړه دوه ورځې وروسته له هغه شوې چې په واشنګټن ډيسي کې یو افغان د ملي ګارډ پر دوه سرتېرو برید وکړ، چې له امله یې یوه سرتېرې په روغتون کې مړه شوه او بل ټپي دی.
ولسمشر ټرمپ هم ویلي چې له هغو هېوادونو څخه چې هغه یې «درېیمه نړۍ» بولي، د کډوالۍ لړۍ په دایمي توګه دروي.
