د امریکا ولسمشر ډونالد ترمپ ویلي، هغه په خپله لومړۍ دوره کې د امریکا پوځ په تریلیونونو ډالرو سمبال کړ؛ خو یوه برخه تجهیزات یې په افغانستان کې په بېخوده توګه پاتې شول.
ترمپ دا څرګندونې د سعودي ولیعهد محمد بن سلمان سره د لیدنې پر مهال په سپینې ماڼۍ کې کړي.
هغه زیاته کړې، هغه څه چې په افغانستان کې پاتې شول یوازې د ټول پوځ د تجهیزاتو یوه کوچنۍ برخه وه.
ترمپ ویلي، امریکا به خپل پوځ بیا د تاریخ په تر ټولو لوړه کچه رسوي.
