پولیټیکو په یوه راپور کې ویلي، د امریکا دوه لوړپوړي پوځي چارواکي په یو نا اعلان شوي سفر کې د اوکراین پلازمېنې کیف ته رسېدلي دي.
ټاکل شوې چې دوی نن ورځ د اوکراین له پوځي مشرانو، وکیلانو او ولسمشر ولادیمیر زېلېنسکي سره جلا جلا ناستې وکړي.
سرچینې وایي چې د دغو لیدنو اصلي بحث به د روسیې سره د سولې د درېدلې بهیر ارزونه او د دې پروسې د بیا پيل په تړاو د اوکراین د دریځ اورېدل وي.
وال سټریټ ژورنال په یوه بل راپور کې لیکلي چې یاد امریکايي چارواکي پلان لري په راتلونکو ورځو کې له روسي چارواکو سره هم د خبرو یوه ناسته ترسره کړي.
