د لبنان حزب الله ډلې اسرائیل په سیمه کې د شخړو پر زیاتېدو تورن کړي دي.
د یادې ډلې مشر حسن نصرالله ویلي چې اسرائیلو د حزب الله ډلې د مهم قومندان فواد شکر په وژلو سره ټولې سرې کرښې تر پښو لاندې کړې.
حزب الله ډلې زیاته کړې چې د اسماعیل هنیه او شکر وژنو ته به له دوی وروسته ایران او ورپسې حوثيان پخپل ډول ځواب ورکړي.
یادې ډلې وړمه ورځ پر اسرائیلو ګڼ شمېر توغندي ور وتوغول.
رویټرز بیا راپور ورکړی چې تر اوسه په دغه برید کې یو تن وژل شوی دی.
