یونېسف اعلان کړی، چې د افغانستان ختیځو سیمو زلزله ځپلو ته یې د بیړنیو مرستو دوه زره کڅوړې رسولي دي.
د دې ادارې په وینا، په دغو کڅوړو کې لومړني درمل، کمپلې، ګرمې جامې او د پخلنځي اړین توکي شامل دي.
یونېسف زیاته کړې، چې د دوی بېلابېلې ډلې په سیمه کې د مرستو په وېش او د زلزله ځپلو په ملاتړ بوختې دي.
دغه اداره یو ځل بیا پر نړیوالې ټولنې غږ کوي، چې د افغان زیانمنو کورنیو د لاسنیوي لپاره جدي ګامونه پورته کړي.
