یوناما په کابل کې د مېرمنو او نجونو د نیولو په اړه اندېښنه څرګنده کړې.
یوناما ویلي، چې د چادري د نه رعایت له امله د جولای له ۱۶مې تر ۱۹مې نېټې پورې په کابل کې څو ښځې او نجونې نیول شوې دي.
دوی دا کار د اندېښنې وړ بللی او ویلي یې دي چې له واکمنو سره یې د موضوع په تړاو خبرې پیل کړې دي.
دغې ادارې له طالبانو غوښتي چې د ښځو او نجونو پر ازادیو محدودیتونه لرې کړي.
د طالبانو حکومت تر اوسه په دې اړه څه نه دي ویلي.
