د افغانستان لپاره د ملګرو ملتونو مرستندوی دفتر (یوناما) په یوه تازه راپور کې ويلي، چې د طالبانو له واک ته رسېدو وروسته د ښځو او نجونو پر حقونو او د هېواد پر بشري وضعیت ژور منفي اغېز شوی دی.
راپور زياتوي، طالبانو د ښځو او نجونو پر زدهکړو، کار، تګ راتګ، تفريح، او روغتيايي خدماتو پراخ بنديزونه لګولي، او حجاب جبري تطبيق شوی دی.
د راپور له مخې، له ۷۸ کیلومتره زیات سفر لپاره د محرم شرط، د ښځينه کارکوونکو لرې کول، او د لوړو زدهکړو بنديزونه، له هغو جدي محدوديتونو څخه دي چې د ښځو عام ژوند یې له ستونزو سره مخ کړی.
يوناما وايي، خلک له بېوزلۍ، کاري نشتون، د سرپناه او خوړو له کمښت سره مخ دي، او بشري حقونه، په ځانګړي ډول تازه راستانه شوي کډوال له جدي ګواښونو سره مخامخ دي.
