د حزب اسلامي مشر ګلبدین حکمتیار د هند او پاکستان ترمنځ وروستۍ نښته کې د ځینو افغانانو خوښۍ د تاسف وړ بللې او ویلي یې دي، چې دا پایله به سرچپه راوخيژي.
حکمتیار خبرداری ورکړی چې که جګړه دوام ومومي، لمبې به یې تر افغانستان هم ورسېږي.
هغه ویلي، ځیني هغه کسان او رسنۍ چې د دې جګړې ملاتړ کوي، پخوا هم د شوروي او امریکا یرغلونو ته خوشحال وو.
دا شخړه د امریکا د ولسمشر ډونالډ ټرمپ تر منځګړیتوب وروسته پای ته ورسېده.
پاکستان ویلي چې په دې جګړه کې یې ۱۱ سرتېري وژل شوي او ګڼ نور ټپیان دي.
