په کابل کې د لوړپوړیزو ودانیو جوړېدو ته غبرګون کې د پخواني ولسمشر حامد کرزي د دفتر مشر کریم خرم ویلي، چې دا کار د هغه چا له لوري کېږي، چې کابل کې پیسې وګټي او بهر کې یې مصرف کړي.
نوموړي ویلي، کابل کې ان په هغو سیمو کې هم لوړ پوړیزې ودانۍ جوړیږي، چې غیر تجارتي وي او دا چاره به د اوبو د جذب ځمکه، شنې ساحې او پارکونه له منځه یوسي.
د خرم په خبره، دې برخه کې پخوا هم بې غوري شوې او اوس هم دا سلسله په چټکتیا روانه ده.
کریم خرم هیله څرګنده کړېو چې د څو تنو د ګټو لپاره باید د میلیونونو انسانو د ژوند کړۍ تنګه نه شي.
