راپورونه وایي چې په کابل کې فرخنده نومې یوه نجلۍ، چې شاوخوا یو نیمه میاشت وړاندې د حاجي ملنګ نومي کس زوی عمادالله ته واده شوې وه، په مشکوک ډول وژل شوې ده.
د خپرو شویو معلوماتو له مخې ویل کېږي چې قضیه د کورني تاوتریخوالي له امله د کابل ښار په ګلبهار سنټر کې د دوی په استوګنځي کې رامنځته شوې ده.
په ټولنیزو شبکو کې د دې پېښې په اړه بېلابېل روایتونه خپریږي؛ خو تر اوسه په دې تړاو دقیق جزئیات نه دي خپاره شوي.
د طالبانو حکومت هم تر اوسه په دې اړه څه نه دي ویلي.
د یادونې ده چې پر حاجي ملنګ د قاچاق تور دی او نوموړی خلک مشهور قاچاقبر یادوي.
