د حزب اسلامي مشر، ګلبدین حکمتیار، نن سهار د متحده عربي اماراتو دوبۍ ښار ته رسېدلی دی.
د ګلبدین حکمتیار اړوند ډېلي شهادت ورځپاڼه وایي چې نوموړی به په دوبۍ کې لنډ تم شي او له هغه وروسته به خپل سفر ته د مالیزیا په لور دوام ورکړي.
ډیلي شهادت زیاته کړې چې په دوبۍ کې مېشت افغانان له حکمتیار سره د لیدنې په تمه دي؛ خو د هغه رسمي لیدنې لا نه دي پیل شوي ځکه چې سفر یې لا روان دی.
د یادونې ده چې واک ته د طالبانو حکومت له رسیدو وروسته دا لومړی ځل دی چې ګلبدین حکمتیار ته هېواد څخه بهر ته د تلو اجازه ورکړل شوې ده.
