ډیلي مېل راپور ورکړی، چې د اسبیسټوس (Asbestos) له امله د بریتانیا د وژل شویو پخوانیو او اوسنیو پوځیانو شمېر د افغانستان جګړې پر مهال د طالبانو لهخوا د وژل شویو برېتانوي سرتېرو نهه برابره زیات دی.
د ډیلي مېل راپور ښيي چې هر کال په منځني ډول ۸۹ کسان د اسبیسټوس اړوند وژونکي سرطان (میسوتیلیوما) له امله مري. د ۲۰۰۱ تر ۲۰۲۱ پورې په افغانستان کې ۴۰۵ برېتانوي پوځیان وژل شوي؛ خو په همدې موده کې د اسبیسټوس اړوند ناروغیو له امله ۳۵۶۰ کسان مړه شوي دي.
دا ناروغي د برېتانیا تر ټولو لویه صنعتي وژونکې ناروغي ګڼل کېږي او نښې یې له ۲۰ تر ۶۰ کلونو وروسته ښکاره کېږي.
د بریټانیا دفاع وزارت له ۲۰۱۶ راهیسې تر اوسه ۸۰۳ اخته کسانو ته شاوخوا ۱۱۲ میلیونه پونډه تاوان ورکړی دی.
