د امریکا ولسمشر ډونالډ ټرمپ ویلي چې اوکراین باید د جګړې د پای ته رسېدو لپاره له روسیې سره هوکړې ته ورسېږي، ځکه په وینا یې «روسیه ستر ځواک دی؛ خو اوکراین داسې نه دی.»
د رویټرز د راپور له مخې، دغه څرګندونې هغه مهال وشوې چې ټرمپ په الاسکای کې د روسیې له ولسمشر ولادیمیر پوتین سره ولیدل.
رویټرز وایي، پوتین د اوکراین د لا نورو سیمو غوښتنه کړې او ټرمپ د هغه غوښتنې د اوکراین ولسمشر ولادیمیر زېلېنسکي ته هم رسولي دي.
ویل شوي پوتین ټوله ډونېتسک سیمه غواړي او غواړي چې زېلېنسکي یې ومني.
