د امریکا ولسمشر ډونالډ ټرمپ ویلي، چې ډیر تاوتریخوالی شتون لري او د دې هیڅ تضمین شتون نلري چې په غزه کې اوربند به دوام ومومي.
ټرمپ په سپینه ماڼۍ کې خبریالانو ته ویلي، چې زه دا تضمین نشم کولی چې د اسراییلو او حماس ترمنځ به سوله تامین شي.
په همدې حال کې د منځني ختیځ لپاره د هغه ځانګړي استازي ویلي، چې د اسراییلو او حماس ترمنځ د اوربند او د یرغمل شویو تبادلې تړون اوس پر ځای دی.
د یادونې ده چې په غزه کې درې پړاويز اوربند د روانې مياشتې په ٢٦مه نېټه د قطر، مصر، او امريکا په منځګړیتوب د اسراييلو او حماس تر منځ رامنځته شو او له هغه مهاله لسګونه اسراييلي او فلسطيني بنديان خوشې شوي دي.
