د امریکا ولسمشر ډونالډ ټرمپ ویلي چې د امریکا او ایران ترمنځ غیرمستقیمې خبرې د پاکستان له لارې روانې دي او ښه پرمختګ لري.
ټرمپ ویلي چې ښايي ډېر ژر د دواړو هېوادونو ترمنځ هوکړه وشي.
هغه دا ادعا هم کړې چې ایران د پاکستان تر بیرغ لاندې د تېلو د ټانکرونو شمېر دوه چنده کړی او اوس شاوخوا ۲۰ ټانکرونو ته د هرمز له تنګي د تېرېدو اجازه ورکړل شوې ده.
ټرمپ دا هم ویلي چې د ایران د پارلمان رئیس د اضافي ټانکرونو د تېرېدو اجازه ورکړې ده.
هغه په مرکه کې زیاته کړې چې امریکا غواړي د ایران د تېلو کنټرول ترلاسه کړي؛ خو دا کار ښايي د امریکا اوږدمهاله پوځي حضور ته اړتیا ولري.
