د امریکا ولسمشر ډونالډ ټرمپ یو ځل بیا د هرمز تنګي په اړه توند دریځ څرګند کړی او ویلي یې دي چې متحده ایالات د دې ستراتیژیکې اوبو لارې د پرانستلو بشپړ توان لري.
ټرمپ په خپله ډولنیزه رسنۍ ټروت سوشیال تازه پیغام کې ادعا کړې چې که واشنګټن ته لږ وخت ورکړل شي، نو دوی به وکولای شي د هرمز تنګی بېرته فعال کړي او د نړیوالو بازارونو لپاره د نفتو بهیر عادي حالت ته راولي.
هغه زیاته کړې چې دا اقدام به نه یوازې د امریکا اقتصادي ګټې خوندي کړي، بلکې نړیوال اقتصاد ته به هم ثبات ورکړي.
ډونالډ ټرمپ په دې ټینګار کړی چې لوېدیځ هېوادونه باید د اړتیا په صورت کې له پوځي ځواک څخه کار واخلي څو د نړۍ له مهمو انرژۍ لارو څخه د نفتو انتقال خوندي وساتي.
