کابل کې د چین سفیر مرستیال د طالبانو حکومت د بهرنیو چارو وزارت سیاسي مرستیال عباس ستانکزي سره په لیدنه کې ویلي چې هېواد یې په نړیوالو غونډو کې د طالبانو له حکومت ملاتړ ته دوام ورکوي.
له یاد وزارت څخه په خپره شوې خبرپاڼه کې راغلي، چې دواړو لوریو په دې لیدنه کې د دوو اړخیزو اړیکو پر پراختیا، سیاسي او اقتصادي مسایلو هم خبرې کړې دي.
د چین مرستیال سفیر باو جوهي ویلي چې د خپل هېواد سوداګر به په افغانستان کې پانګونې ته وهڅوي.
