د ايران د کورنيو خبري آژانسونو د راپورونو له مخې، نن سهار د تهران د جنوب ترمينل ته نېږدې يوه پراخه اورلګېدنه رامنځته شوې ده.
تر دې دمه د پېښې د مالي زيانونو او تلفاتو په اړه رسمي معلومات نه دي خپاره شوي.
د اورلګېدنې د علت معلومولو لپاره څېړنې روانې دي.
له بلې خوا، د بندر عباس په رجايي بندر کې هم د اورلګېدنې پېښه دوام لري.
که څه هم له چاودنې دوه ورځې تېريږي؛ خو صداوسيما راپور ورکړی چې اور لا هم په درېيو بېلابېلو سيمو کې بل دی او د اور وژنې هڅې دوام لري.
