د پاکستان په چکوال سیمه کې یو مسافر وړونکی بس له کنټرول څخه بهر شوی او له سړکه غورځېدلی، چې له امله یې لږ تر لږه ۵ کسان وژل شوي او ۲۷ نور ټپیان دي.
د ژغورنې چارواکو په وینا، بس د اسلاماباده څخه کراچۍ ته روان و، خو د موټرچلوونکي د کنټرول له وتلو وروسته له سړک څخه ښکته غورځېدلی دی.
د پېښې ځای ته سمدستي د ژغورنې او طبي ټیمونو استول شوي، او ټپیان روغتونونو ته انتقال شوي دي.
پاکستاني رسنیو د چارواکو له قوله راپور ورکړی، چې د ټپیانو په منځ کې ۷ ښځې هم شاملې دي او د ځینو ټپيانو روغتیايي وضعیت نازک دی.
