د اسراییلو لومړي وزیر بنیامین نتانیاهو او د امریکا ولسمشر ډونالډ ټرمپ دواړو په جلا جلا څرګندونو کې ویلي چې د حماس سره د اوربند خبرو ته نور هیله نه لري.
نتانیاهو ویلي چې اسراییل اوس د حماس د واک پای ته رسولو او د یرغملو د خلاصون لپاره بدیلې لارې ارزوي.
ټرمپ هم ویلي چې حماس د توافق نیت نه درلود او اوس وخت دی چې دې کار ته پای ورکړل شي.
ډونالډ ټرمپ ګواښ کړی چې د حماس مشران به تعقیب شي.
بل لورته حماس ویلي، چې خبرې جوړونکې وې او که اسراییل رښتینی اراده لرلی، توافق به ممکن و.
دا په داسې حال کې ده چې د غزې خلک د لوږې له سخت ناورین سره لاس او ګریوان دي.
