کرملین اعلان کړی چې د روسیې ولسمشر ولادیمیر پوتین به نن د پنجشنبې په ورځ په مسکو کې د څو هېوادونو د سفیرانو باورلیکونه په رسمي ډول ترلاسه کړي.
د خپاره شوي لېست له مخې، په دې مراسمو کې د طالبانو حکومت سفیر، ګل حسن حسن، چې د روسیې فدراسیون ته ټاکل شوی، هم شامل دی او خپل باورلیکونه به ولسمشر پوتین ته وسپاري.
دا ګام د مسکو او کابل ترمنځ د ډیپلوماتیکو اړیکو په چوکاټ کې مهم پرمختګ بلل کېږي.
