هند سر له سبا څخه په هغو څلورو ایالتونو کې پراخ ملکي دفاعي تمرینونه کوي چې له پاکستان سره پر پوله پراته دي.
د هندي رسنیو په وینا، دا تمرینونه به په کشمیر، پنجاب، ګجرات او هریانه ایالتونو کې ترسره شي.
په هریانه کې دا تمرین د “شیلډ عملیات” تر عنوان لاندې د مې پر ۲۹مه د ماښام له ۵ بجو څخه په ټولو ۲۲ ولسوالیو کې پیلېږي.
هند دا تمرینونه داسې مهال کوي، چې دواړو هېوادونو ترمنځ له جګړې وروسته لاهم اړیکې کړکېچنې دي.
پاکستان لاهم وېره لري، چې هند ورباندې بیا بریدونه ونکړي.
