د هند د پست ادارې اعلان کړی چې د اګست له ۲۵مې نېټې څخه امریکا ته د پُستي بستو لېږد به موقتاً ودرول شي.
چارواکو د دې پرېکړې دلیل د امریکا د نویو ګمرکي قوانینو په اړه ابهام بللی دی.
د هند د مخابراتو وزارت وايي، د قانون د وضاحت تر وخته هندي هوايي شرکتونه د امریکا لپاره بستې نه شي لېږلی.
تر اوسه یوازې لیکونه، اسناد او تر ۱۰۰ ډالرو کم ارزښت لرونکې ډالۍ د لېږلو اجازه لري.
دا اقدام وروسته له هغې شوی چې امریکا د «دمینیمیس» معافیت لغوه کړ او ټول وارداتي بستې یې د ګمرکي تعرفو تابع اعلان کړې.
