د طالبانو حکومت د صنعت او سوداګرۍ وزارت وايي د افغانستان او هند د چارواکو ترمنځ د نساجي برخې په اړه د همکارۍ خبرې شوې دي.
د وزارت د خبرپاڼې له مخې، د بهرنیو چارو وزارت د اقتصادي اړیکو رییس شفیع اعظم او د صنعتي پارکونو رییس الحاج عارف د هند د نساجي وزارت له استازیو سره کتنه کړې ده.
هندي پلاوي په دې لیدنه کې افغان لوري ته بلنه ورکړې چې په «بهارت ټېکس» نندارتون کې ګډون وکړي او خپل کورني تولیدات په هغه کې وړاندې کړي.
