د هرات د مرکز اړوند د مولوي ټانک په سیمه کې د اسلام قلعه د ګمرک په ګودام کې اورلګېدنې خلکو ته ګڼ مالي زیانونه اړولي.
د لومړنيو معلوماتو له مخې، دغه اور لګېدنه نن ماسپښېن دوه نېمې بجې رامنځته شوې وه.
ځایي سرچینې وایي چې په دغه اورلګېدنه کې تر ۴۵ ډېر کانټینر موټر سوځېدلي او سلګونه ميليونه افغانۍ د موټرونو او مالونو د سوځېدو له امله خلکو ته زیان اوښتی.
یاده اورلګېدنه تر اوسه مهار شوې نه ده.
ددغه اورلګېدنې د رامنځته کېدو علت تر اوسه په ډاګه شوی نه دی.
د طالبانو حکومت تر اوسه ددغې اورلګېدنې په اړه څه نه دي ویلي.
